Mohamed Salah është “i përkushtuar” ndaj Liverpoolit sipas agjentit të tij edhe pse ka pasur spekulimeve për një transferim të mundshëm në Arabinë Saudite.

Gazeta saudite Al Riyadiah pretendon se Al-Ittihad i ofroi Salah një kontratë dyvjeçare me vlerë 155 milionë funte, mbi një tarifë transferimi prej 52 milionë funtesh, shkruan Arbresh.info.

31-vjeçari nënshkroi një kontratë të re trevjeçare verën e kaluar, e cila zgjat deri në qershor 2025.

“Mohamed mbetet i përkushtuar ndaj LFC-së”, tha agjenti i Salah Ramy Abbas në një postim në rrjetet sociale.

“Nëse do të mendonim të largoheshim nga LFC këtë vit, nuk do ta kishim rinovuar kontratën verën e kaluar”.

Mesfushorët Fabinho dhe Jordan Henderson tashmë janë shitur te Al-Ittihad dhe El-Ettifaq nga Liverpool këtë verë, ndërsa Roberto Firmino bëri kalimin në Al-Ahli pas skadimit të kontratës së tij në Anfield./Arbresh.info/